لە کەرەج ۸۸ کەس بەهۆی خواردنەوە کحولییەکان ژەهراووی بوون
پوختەی هەواڵ
بەشی ئێران- لە ناوچەی ئیسلام ئاباد و حەسارەکی کەرەج ۸۸ کەس بەهۆی خواردنەوەی خواردنەوە کحولییەکان ژەهراووی بوون و بۆ نەخۆشخانە گواسترانەوە.
بەپێی هەواڵی کوردپرێس، ئاژانسی هەواڵی ئیرنا بڵاوی کردەوە "۸۸ کەس لە دانیشتوانی ئیسلام ئاباد و ناوچەی حەسارەک سەر بە شاری کەرەج بەهۆی خواردنەوەی خواردنەوە کحولییەکانەوە بە سەختی ژەهراوی بوون و گواستراونەتەوە بۆ نەخۆشخانە".
ئاماژەی بەوەش کرد، "بەپێی ئەو هەواڵانەی تا ئێستا دەستمان کەوتووە، بەشێک لەو کەسانە بەهۆی ژەهراوی بوونی توندەوە گیانیان لەدەست داوە".
ڕووداوەکە شەوی ڕابردوو ڕووی داوە و کەسانی ژەهراوی چوونەتە نەخۆشخانەکانی کەوسەر، ئەلبۆرز، ڕەجایی و کەسرای لە شاری کەرەج.
هەروەها هەندێک سەرچاوە باس لە مردنی ۱۴ کەس دەکەن، کە ژەهراوی بوون، بەڵام بەرپرسانی فەرمی ژمارەی وردی گیانلەدەست دانیان ئاشکرا نەکردووە و چاوەڕوانی کۆ کردنەوەی زانیاریی ورد لەمبارەوە.
بۆچوونی بەکارهێنەران