هەرێمی کوردستان تیمی فریاگوزاریی رەوانەی کوردستانی تورکیا و سووریا کرد
پوختەی هەواڵ
بەشی جیهان- وەزیرانی ناوخۆ و تەندروستی هەرێمی کوردستان لە پرێس کۆنفرانسێکدا لە شاری هەولێر، رەوانەکردنی تیمێکی فریاگوزارییان راگەیاند بۆ کوردستانی سووریا و تورکیا.
بەپێی هەواڵی کوردپرێس، رێبەر ئەحمەد وەزیری ناوخۆی هەرێمی کوردستان لەمبارەوە وتی تیمەکە پزیشکی و پسپۆڕی گەڕانن بەدوای قوربانیانی ژێر داروپەردوو، ئەو تیمە راهێنراون و پسپۆڕن لە کاری خۆیاندا.
شایانی باسە ڕۆژی دووشهممه ٦ی شوبات، مهسروور بارزانی، سهرۆكی حكوومهتی ههرێمی كوردستان له تویتێكدا رایگهیاند: بۆ هاوکاری و بەهاناوەچوونی زیانلێکەوتووانی بوومەلەرزە، دامودەزگاکانی حکوومەت، وەزارەتی تەندروستی و دەزگای خێرخوازیی بارزانی-م راسپاردوون ههماههنگی لهگهڵ رێكخراوی مانگی سوور بکەن لە هەوڵەکانی فریاگوزاری لە تورکیا و سووریا.
له توویتهكهی سهرۆكی حكوومهتی ههرێمی كوردستاندا هاتووه، "بۆ ئەم مەبەستە تا ئێستا 3 تیمی فریاگوزاری و 25 ئەمبولانس ئامادەن".
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران