نوێنەرانی HDP لە پرسەی ئەندامێکی کوژراوی PKK لە شەڕنەخ بەشدارییان کرد
پوختەی هەواڵ
بەشی سووریا- دوو نوێنەری هەدەپە لە پرسەی ئەوین ئەنجو ئەندامی لقی ژنانی پارتی کرێکارانی کوردستان (PKK) بەشدارییان کرد کە لە ناوچەی ڕۆبۆسکی سەربە شەڕناخ کوژرا.
بەپێی هەواڵی کوردپرێس، ڕێوڕەسمی پرسەی " ئەوین ئەنجو"، ئەندامی YJA Star، لقی ژنانی پارتی کرێکارانی کوردستان کە لە ٢٢ی کانوونی دووەم لە ناحیەی بەستای شەڕخاخ کوژرا و ڕۆژی ١ی شوبات تەرمەکەی لە نەخۆشخانەی حکوومی شەڕناخ ڕادەستی بنەماڵەکەی کرا، لە زێدی خۆی لە دەڤەری ڕۆبۆسکی بەڕێوەچوو.
بەگوێرەی هەواڵی ئاژانسی فۆرات، سەرەڕای کەش و هەوای سارد لە کاتی ناشتنی تەرمی ئەندامەکەی پەکەکەدا، سەدان کەس لەوان نۆران ئەمیر و حەسەن ئۆزگونەش دوو نوێنەری پارتی دیموکراتی گەلان ئامادەی ڕێوڕەسمەکە بوون.
شایانی باسە لە ساڵانی ڕابردوودا نوێنەران و ئەندامان و شارەوانەکانی هەدەپە بەهۆی بەشداری کردن لە ڕێوڕەسمی پرسەی ئەندامانی PKK ڕووبەڕووی هەڵگرتنی پارێزبەندی و دوورخستنەوە و دادگایی کردن و زیندانیکردن دەبنەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران