بەنداوی تازە چێکراوی ئیلی سۆ لە تورکیا قەیرانی ئاو لەهەرێمی کوردستان دروست دەکات
پوختەی هەواڵ
بەشی عێراق و هەرێمی کوردستان- ئەندامێکی بزووتنەوەی گۆڕان لە پەرلەمانی عێراق دەڵێت کرانەوەی بەنداوی ئیلی سۆ لە تورکیا دەبێتە هۆی کەمئاوی و سەرهەڵدانی قەیرانی ژینگەیی لە بەنداوەکانی دەربەندیخان و دووکان و بەنداوەکانی تری هەرێمی کوردستان.
کوردپرێس:
ئەحمەد دەبان ئەندامی فراکسیۆنی بزووتنەوەی گۆڕان لە پەرلەمانی عێراق ئاماژەی بە کرانەوەی بەنداوی ئیلی سۆ کرد و گوتی کرانەوەی ئەو بەنداوە دەبێتە هۆی کەمئاویی هەرێمی کوردستان و قەیرانی ژینگەیی بەو هۆیەوە سەرهەڵدەدات.
دەبان زیادی کرد: هاوینێکی زۆر سەختمان لەبەرە و ئەوەش بەتایبەت ئەگەر لە وەرزی زستاندا بارانی باش نەبارێت کاریگەر دەبێت لە سەر کەرتی جووتیار و ژینگەی کوردستان.
شایانی باسە ڕۆژی ڕابردوو ئەردۆغان بەنداوی ئیلی سۆی لە تورکیا کردەوە و کرانەوەی بەنداوەکەشی بە سەرکەوتنێکی گەورەی تورکیا و وەڵامێک بۆ نەیاران و دوژمنانی تورکیا ناو برد.
بۆچوونی بەکارهێنەران