بەپێی هەواڵی کوردپرێس، ئەنجومەنی سەرکردایەتی بزووتنەوەی پەیوەندیی ئیسلامیی کوردستان له‌ ڕاگه‌یه‌ندراوێكدا باسی له‌وه‌كردوه‌، له‌ كۆبوونه‌وه‌یه‌كدا باسیان له‌ ئاماده‌كاریه‌كان بۆ هه‌ڵبژاردن كردووه‌ و جه‌خت له‌سه‌ر ئه‌وه‌ ده‌كه‌نه‌وه‌ پێویسته‌ هەڵبژاردنی پەرلەمانی کوردستان لەکاتی خۆیدا ئەنجامبدرێت و لەئەگەری دواکەوتنی زیاتری هەڵبژاردنی پەرلەمان، "هەرێمی کوردستان و دام ودەزگاکانی دەکەونە بۆشایی یاسایی، هەربۆیه ناکرێت چیدیکه هەڵبژاردن دوابکەوێت".

ئاماژه‌ به‌وه‌شكراوه‌، هەروەها ئەنجومەنی سەرکردایەتی کۆی پەیڕەوی پەسەندکراوی کۆنگرەی بەزۆرینەی دەنگ پەسەندکرد، لەتەوەرێکی دیكه‌ی کۆبوونەوەشکەدا بەرپرسی بەشێک لە ئۆرگانەکان پەسەندکران و ئاڕاستەکران کە لە ماوەیەکی دیاریکراودا ئۆرگانەکانیان دروست بکەن.