لەپێناو پرۆسەی دیموکراسی پێویستمان بە ئەنجامدانی هەڵبژاردنە
پوختەی هەواڵ
بەشی عێراق و هەرێمی کوردستان- دوای ئەوەی پارتی دیموکراتی کوردستان بایکۆتی هەڵبژاردنی پەرلەمانی کوردستانی ڕاگەیاند، بزووتنەوەی گۆڕان ڕاگەیێندراوێکی بڵاو کردەوە.
بەپێی هەواڵی کوردپرێس، دەقی ڕاگەیێندراوەکەی بزووتنەوەی گۆڕان بەمشێوەیە:
ڕاگەیەندراوێک لە بزووتنەوەی گۆڕانەوە لەپێناو پرۆسەی دیموکراسی، گەڕانەوە بۆ دەنگ و ئیرادەی هاونیشتمانیان، ڕەوایەتیدان بە دامەزراوەکانی هەرێمی کوردستان؛ پێویستمان بە ئەنجامدانی هەڵبژاردنە.
لەم ڕاستیەوە، باشترین بژاردە لەبەردەم هەرێمی کوردستان هەڵبژاردنێکی پاک و بێگەردە، بە بەشداری و لێکتێگەیشتنی هەموو لایەنە سیاسییەکان، هەڵبژاردنێک وەڵامگۆی پێداویستیە نیشتمانی، قانونی، دامەزراوەیی و بەپیرەوەچوونی ژیان و گوزەران و دابینکردنی موچەی فەرمانبەران بێت، لە هەمووی پڕبایەختر لەڕێگەی پەرلەمانی هەڵبژێردراوی کوردستانەوە نوێنەرایەتی خەڵکی کوردستان بۆ داکۆکیکردن لە مافە دەستووریەکانی هەرێم بکرێت.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران