ئاگر لە باڵەخانەی ئەنجوومەنی وەزیرانی هەرێمی کوردستان کەوتەوە
پوختەی هەواڵ
بەشی عێراق و هەرێمی کوردستان- ئاگر لە بەشێکی باڵەخانەی ئەنجوومەنی وەزیرانی هەرێمی کوردستان کەوتەوە.
بەپێی هەواڵی کوردپرێس، گوتەبێژی بەرگریی شارستانیی هەولێر بە تۆڕی میدیایی رووداوی ڕاگەاندووە، "کاژێر 12:50ـی بەرەبەیانی ڕۆژی شەممە لە ئاگرەکەی ئەنجوومەنی وەزیران ئاگادار کراینەوە و دوای ماوەیەکی کەم تیمەکانمان کۆنترۆڵیان کرد".
کاروان میراودەلی گوتی، " ئاگرەکە زیانی گیانی نەبووە و ئەو شوێنەی ئاگرەکەی تێدا کەوتووەتەوە، چێشتخانە بووە و زیانە مادییەکانی لەنێوان 20 ملیۆن بۆ 25 ملیۆن دیناردایە".
لەبارەی هۆکاری ئاگرەکەشەوە گوتەبێژی بەرگریی شارستانی هەولێر گوتی، "بۆیلەر (گیزەر)ـی ئاو گەرمکردن تەقیوە؛ لەو شوێنە بوتڵێکی گازیش هەبووە و کارلێکیان کردووە و ئەویش تەقیوەتەوە و تەشەنەی بە ئاگرەکە داوە".
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران