بەپێی هەواڵی کوردپرێس، لەگەڵ هاتنی وەرزی زستان نەبوونی پاڵپشتیی تەندروستی، نەبوونی دەرمان و پزیشک لە دەرمانخانەکە، هەڕەشە لە تێکچوونی دۆخی تەندروستی ناو کەمپە کۆن و نوێیەکانی مەنبەج دەکات.

بەشیر بەکرۆ، کارگێڕی کلینیکە پزیشکیەکە بە نۆرس پرێسی ڕایگەیاندووە: تاکە کلینیک لە هەردوو کەمپەکەدا بەهۆی زۆریی ژمارەی نەخۆشەکان کە لە توانای خۆی زیاترە فشارێکی زۆری لەسەر هەیە.

ناوبراو ئاماژەی بەوەش کرد: بەدەست کەمییەکی گەورەی دەرمانەوە دەناڵێنن، جگە لە پزیشکی پسپۆڕ کە لە دەرمانخانەکەدان و پشکنینی حاڵەتە پزیشکییەکان دەکەن، ئەو پاڵپشتییەی کە لەلایەن لیژنەی تەندروستیەوە پێشکەش دەکرێت بەس نییە.

ناوبراو وتیشی، ئەو دەرمانانەی لیژنەی تەندروستی لە مەنبەج دابینی دەکەن، سنووردارە بە دەرمانی منداڵان و دەرمانی دیکەی وەک سیتامۆڵ، دژە تا و دژە هەوکردن، لە کاتێکدا پێویستیان بە دەرمان هەیە کە چارەسەری تەنگەنەفەسی، هەوکردنی ڕیخۆڵە و نەخۆشییەکانی دڵ بکات.