بەپێی هەواڵی کوردپرێس، نووسینگەی سەرۆک وەزیرانی عێراق ئاشکرای‌کردووه لە کۆبوونەوەکەی نێوان ڕەئیسی و سوودانیدا: سەرۆک وەزیرانی عێراق ئاماژەی بە پێویستیی خێراکردنی هەوڵەکان بۆ سەرخستنی پڕۆژە هاوبەشەکانی نێوان هەردوو وڵات داوە جەختی لە گرنگیی چەسپاندنی پەیوەندییەکانی نێوان هەردوو وڵات، لەبوارە جیاجیاکاندا، لەبەرژەوەندی هەردوو گەلی دراوسێدا کردۆتەوە.

لە ڕاگەیێنداروەکەدا ئه‌وه‌ش هاتووه: "سوودانی بۆ ڕه‌ئیسى جەختی کردۆته‌وه‌، هەرگیز رێگە نادات خاکی عێراق بۆ هێرشکردنەسەر وڵاتانی دراوسێ بەکاربهێندرێت، هەروەک چۆن سازش لەسەر ئاسایش ‌و سەروەریی عێراقیش ڕەت‌دەکاتەوە".

ئه‌وه‌شى وتووه‌: "دەبێت هەموو ئەو کێشانەی لەگەڵ وڵاتانی دراوسێدا هەن وتوێژیان لەسەربکرێت، بەمەبەستی گەیشتن بەچارەسەری ڕیشەیی بۆ قەیرانەکان".