کۆی حاڵەتەکانی تووشبوونی کۆرۆنا لە ئێران گەیشتە 71 هەزار و 686 حاڵەت
پوختەی هەواڵ
بەشی ئێران- وتەبێژی وەزارەتی تەندروستیی ئێران ڕایگەیاند کۆی حاڵەتەکانی تووشبوون بە کۆرۆنا تا ڕۆژی یەکشەمە 24ی خاکەلێوەی 1399 گەیشتە 71 هەزار و 686 حاڵەت.
کوردپرێس:
ڕۆژی یەکشەمە 24ی خاکەلێوەی 1399 دوکتور کیانووش جیهانپوور لە لێدوانێکدا دوایین ئامارەکانی لەبارەی کۆرۆناوە ئاشکرا کرد و ڕایگەیاند تا ئەم کاتە کۆی 71 هەزار و 686 هاووڵاتیی ئێرانی تووشی پەتای کۆرۆنا بوون و کۆی 4 هەزار و 474 هاووڵاتییش بەهۆی پەتاکەوە گیانیان لە دەست داوە.
جیهانپوور زیادی کرد لە ماوەی 24 کاتژمێری ڕابردوودا 1657 حاڵەتی نوێی تووشبوون بە کۆرۆنا لە ئێران تۆمار کراوە و 117 هاووڵاتییش لە هەمان ماوەدا بە هۆی کۆرۆناوە گیانیان لە دەست داوە.
شایانی باسە لە ڕۆژی ڕابردووەوە چالاکی و کاری بەشێک لە ئیدارە و بازاڕەکانی ئێران بە شێوەی سنووردار دەستی پێکردەوە و بە پێی ڕنێمایییەکانی ژووری کۆنتڕۆڵ کردنی کۆرۆنا هەندێک لە هاووڵاتییانی ئێرانی گەڕانەوە سەر کارەکانیان.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران