دەروازەی سنووریی نێوان کوردستانی سووریا و هەرێم داخرا
پوختەی هەواڵ
بەشی سووریا- بەمەبەستی بەرەنگاربوونەوەی ڤایرۆسی کۆرۆنا، بەڕێوەبەرێتی خۆسەر لە باکووری سووریا بڕیاری دا تاوەکوو کاتێکی نادیار دەروازەی سێمالکا دابخات.
بەپێی هەواڵی کوردپرێس، بەڕێوەبەرایەتیی خۆسەر لە راگەیێندراوێکدا ئاماژەی بەوە کردووە "بەمەبەستی رێگری کردن لە گواستنەوەی ڤایرۆسی کۆرۆنا بۆ سنووری بەڕێوەبەرایەتییەکەیان و رۆژهەڵاتی سووریا دەروازەی سێمالکا داخراوە".
دەروازەی سێمالکا لەڕووی گەشتیاری و بازرگانییەوە رۆژانە بۆ هاتووچۆی نێوان هەرێمی کوردستان و کوردستانی سووریا بەکاردێت.
لە عێراق تاوەکوو ئێستا شەش کەس وەکوو تووشبووی ڤایرۆسی کۆرۆنا دیاری کراون، بەڵام لە پارێزگاکانی هەرێمی کوردستان هیچ تووشبوویێک بە ڤایرۆسەکە تۆمار نەکراوە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران