کوردپرێس: میرانی لەلێدوانێکی تەلەفزیۆنیدا وتی هێشتا سەرۆک کۆمار گوشاری سیاسی لەسەرە، بەڵام لەمیانی پەیوەندیم لەڕێگای تەلەفۆنەوە داوام لێکرد، کە هەوڵ بدات کەسێکی بۆ سەرۆکایەتی حکوومەتی داهاتوو رابسپێرێت، کە دەستوور جێبەجێ بکات ‌و سزای گەندەڵکاران بدات و هەوڵ بدات پێش رازی کردنی پارتە سیاسییەکان هەوڵی رازی کردنی شەقام بدات.

میرانی هەروەها ئاماژەی بۆ ئەوە کرد، کە داوایان لەسەرۆک کۆمار کردووە هەوڵی ناوبژی و نێوەندگیری لەنێوان چینی سیاسی و جووڵەی شەقام بدات، کە بە قسەی ناوبراو سەرۆک کۆمار پەیامەکەی بەهەند وەرگرتووە.

سەبارەت بەکەسایەتی عادل عەبدولمەهدی سەرۆک وەزیری کاربەڕێکەر میرانی وتی: کەسێکی پەسەندکراوە، بەڵام بەهۆی سیستەمی پشکپشکێنە و ئەو گوشارانەی لەماوەی سەرۆکایەتییەکەی لەسەری بوون، دەسەڵاتی جێبەجێ کردنی نییە.

کۆدی هەواڵنێر: 60113