سەرۆککۆماری ئێران: لەم وڵاتە هیچ بەستەڵەک و بنبەستێک بوونی نیە
پوختەی هەواڵ
بەشی ئێران- سەرۆککۆماری ئێران لە لێدوانێکدا دەڵێت: هیچ بنبەستێک لە چارەسەری کێشەکانی وڵاتدا بوونی نیە و دامودەزگا دەوڵەتییەکان دەبێت بە شێوەیێکی هەماهەنگ و بە کاری پێکەوەیەیی بجووڵێنەوە و تەواوکەر و یارمەتیدەری یەکتر بن.
کوردپرێس:
سەید ئیبراهیم ڕەئیسی سەرۆککۆماری ئێران لە ژووی هەماهەنگیی ئابووریی دەوڵەتدا کە شەوی سێشەمە بە سەرۆکایەتیی خۆی کۆ بوویەوە ڕایگەیاند: لە نێو ئێراندا هیچ بنبەست و بەستەڵەکێک نیە بۆ چارەکردنی کێشەکان.
لە کۆبوونەوەکەدا ڕاپۆرتێک لە سەر وەزعی هەناردەکردن و فرۆشتنی نەوت و بەرهەمە نەوتییەکان پێشکەش کرا کە بە گوێرەی ڕاپۆرتەکە فرۆشتنی نەوت بە ڕێژەیێکی بەرچاو زیادی کردووە.
هەر لە کۆبوونەوەکەدا پارێزگاری بانکی ناوەندیی ئێران ڕاپۆرتێکی لەبارەی دوایین وەزعی پاشەکەوتی دراوەکان و ئەو پارەیە پێشکەش کرد کە پارەی ئێرانە و لە وڵاتانی دیکە بە هۆی سزاکانی ئەمریکاوە دەستی بەسەردا گیراوە.
بۆچوونی بەکارهێنەران