بەپێی هەواڵی کوردپرێس، ڕۆژی دووشەمە، ۲۱ـی نیسانی ۲۰۲۵، شاندی ئیمرالی پەیامی نوێی عەبدوڵڵا ئۆجالان رێبەری زیندانیكراوی پارتی كرێكارانی كوردستان (پەكەكە) بڵاو کردەوە، و پەروین بوڵدان ئەندامی شاندەکە پەیامەکەی ڕاگەیاند.

لە پەیامەکەی ئۆجالاندا هاتووە، هیوای زوو چاكبوونەوە بۆ سری سورەیا ئۆندەر، ئەندامی شاندی ئیمراڵی و پەرلەمانتاری پارتی دەم دەخوام.

لە بەشێكی پەیامەكەیدا ئۆجەلان دەڵێت: "۱۲ ساڵە لەگەڵ سری سورەیا ئۆندەر کاردەکەین. گەورەترین گرنگیشی لەوەدایە، نوێنەرایەتی نەریتی بابا ئیسحاق دەکات وەک کەسایەتییەکی نموونەیی بە ڕەچەڵەک ئادیەمان و تورکمان. کەسێکە رەنگدانەوەی هەوڵە گەورەکانی لە بواری ئاشتی لە کۆمەڵگادایە و دەتوانێت بە شێوەیێکی شەخسیی بڕیارە پێشوەختە کۆمەڵایەتییەکان بشکێنێت، ئەویش ئەوەی کرد، بڕیارە پێشوەختەكانی لە کۆمەڵگا و لە پەرلەمان و لە شەقامەکاندا شکاند".