قوباد تاڵەبانی: پارتی تەزویری دەنگی من و بافڵ تاڵەبانیی کردووە

پوختەی هەواڵ

قوباد تاڵەبانی ڕایگەیاند پارتی دیموکرات ئەزانێت ناتوانێت تەزویر بکات، بۆیە هاتووە تەزویری دەنگی من و کاک بافڵی کردووە.

قوباد تاڵەبانی لە کەمپەینی هەڵبژاردن لە دەڤەری راپەڕین ڕایگەیاند: "ئەم مجارە پارتی ناتوانێت تەزویر بکات، وە ئەزانێت ناتوانێت تەزویر بکات، بۆیە ئەمڕۆ کە زانیویەتی ناتوانێت تەزویر بکات لە سندووقەکانی دەنگدان، هاتووە تەزویری دەنگی من و کاک بافڵی کردووە".

ناوبراو وتیشی: "دەنگێکی درۆیان تەسجیل کردووە بە بەکارهێنانی کۆمپیوتەر کە ئەسڵ و ئەساسی نیە، ئەمە نیشانەی ئەوەیە کە پارتی دۆڕاوە، کە پارتی شکاوە، کە پارتی ترساوە، کە پارتی روحی چووە لە هەڵبژاردن".

شایانی باسە ڕۆژی سێشەممە میدیاکانی پارتی دیموکراتی کوردستان تۆمارێکی دەنگیان بڵاوکردەوە کە گفتوگۆی نێوان بافڵ جەلال تاڵەبانی و قوباد تاڵەبانییە و باس لە "ساختەکاریی و دیزاینی پێشوەختەی" هەڵبژاردن دەکەن، بەڵام یەکێتی بەتەواوەتی تۆمارەکەی ڕەتکردەوە و راگەیاند، بەژیریی دەستکرد دروست کراوە.

#کوردپرێس #کورد #کوردستان #پەرلەمانی کوردستان #قوباد تاڵەبانی #پارتی دیموکرات #بافڵ تاڵەبانی #یەکێتیی نیشتمانی #هەڵبژاردن #بانگەشەی هەڵبژادن

زیاتر بخوێنەوە

هەواڵی پێشوو و داهاتوو