بەپێی هەواڵی کوردپرێس، موحسین ئیسلامی، وتەبێژی بارەگای هەڵبژاردنەکانی ئێران لە ڕوونکردنەوەیەکدا ئەنجامی کۆتایی قۆناغی ۱۴ی هەڵبژاردنی سەرۆک کۆماری ئێران، ڕایگەیاند.

ئاماژه‌ی به‌وه‌ش كرد، مەسعوود پزیشکیان ۱۰ ملیۆن و ۴۱۵ هەزار و ۱۹۱ ده‌نگی به‌ده‌ست هێناوه‌  و سەعید جەلیلی ۹ ملیۆن و ۴۷۳ هه‌زار و ۲۹۸ ده‌نگی به‌ده‌ست هێناوه‌.

هه‌ر به‌پێی وته‌ی وتەبێژی بارەگای هەڵبژاردنەکانی ئێران، محه‌مه‌د باقر قالیباف ۳ ملیۆن و  ۳۸۳ هه‌زار و ۳۴۰ ده‌نگی به‌ده‌ست هێناوه‌، مسته‌فا پوور محه‌مه‌دی-ش ۲۰۶ هه‌زار و ۳۹۷ ده‌نگی به‌ده‌ست هێناوه‌.

بەگشتی ۴۰ لەسەدی ئەوانەی مافی دەنگدانیان هەبوو لەم هەڵبژاردنەدا بەشدارییان کرد و بەپێ ئەو دانگانەی کاندیدەکان بەدەستیان هێناوە هەڵبژاردنەکانی سەرۆکایەتیی کۆماری ئێران چووە خولی دووهەمەوە و بڕیارە ڕۆژی ۱۵ی پووشپەڕ (۵ی جووڵای) ۲۰۲۴ لەسەرانسەری ئێران گەڕی دووهەم بە ڕکابەریی مەسعوود پزیشکیان و سەعید جەلیلی بەڕێوەدەچێت.