ڕێژەی بەشداری کردن لە هەڵبژاردنی تایبەت گەیشتە ۶۷ لەسەد
پوختەی هەواڵ
بەشی عێراق و هەرێمی کوردستان- کۆمسیۆنی هەڵبژاردنەکانی عێراق ڕایگەیاند، ڕێژەی بەشداری کردن لە پرۆسەی دەنگدانی تایبەتی هەڵبژاردنی پارێزگاکانی عێراق ۶۷٪ بووە.
کوردپرێس:
بە گوێڕەی ڕاگەیەنراوی کۆمسیۆنی هەڵبژاردنەکانی عێراق، ژمارەی دەنگدەری کارمەندی ئەمنی و سەربازی عێراق و هەرێم ۱۵ هەزار و ۴۹۲ کەس بووە و لەو ژمارەیە ۱۳ هەزار و ۴۲۴ کەسیان دەنگیان داوە، واتە رێژەی بەشداری کردنی کارمەندانی ئەمنی و سەربازی ۸۶.۶٪ بووە.
لە ڕاگەیەنراوی کۆمسیۆن ئاماژە بەوەش کراوە، ژمارەی ئەو ئاوارانەی مافی دەنگدانیان هەبووە پێنج هەزار و ۲۳ کەس بوون و سێ هەزار و ۱۶۳ کەسیان دەنگیان داوە، واتە رێژەی بەشداری کردنی ئاوارەکان ۶۳٪ بووە.
ئەوەش لە کاتێکدایە، ئەمڕۆ شەممە پرۆسەی دەنگدانی تایبەتی هەڵبژاردنی ئەنجومەنی پارێزگاکانی عێراق بەرێوەچوو و کارمەندی هێزە ئەمنییەکان و ئاوارەکان بەشدارییان لە پرۆسەکە دەکرد.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران