بەپێی هەواڵی کوردپرێس، لاپەڕەی تایبەتی نووسەر لە تۆڕی کۆمەڵایەتی فەیسبووک بڵاویکردەوە 'دەبوو ئێمە چاوەڕێ بکەین تا لیژنەی داوەری بە فەرمی هەڵگری خەڵاتەکە ڕادەگەێنن و دەیدەن بە میدیاکان. بەر لە چەند ساتێک لیژنەکە بە فەرمی بەختیار عەلی وەک هەڵگری نوێی خەڵاتی «هێلدا دۆمین» ناساند".

ئەم خەڵاتە بە ناوی خانمی هیلدا دۆمینە، دایکی پەخشانە شیعری ئەڵمانی و یەکێک لە هەرە گەورەترین شاعیرەکانی ئەڵمان لەسەدەی بیستدا، خانمی هیلدا دۆمین یەکەمین براوەی خەڵاتەکەش بوو لە ساڵی ۱۹۹۲ دا.

ئاماژە بەوەش دراوە "ئەم خەڵاتە سێ ساڵ جارێک دەدرێت، زانیاری تەواو لەسەر خەڵاتەکە، لەسەر ئەندامانی لیژنەکە، لەسەر هەڵگرانی خەڵاتەکە و بایەخ و گرنگی ئەم خەڵاتە لە ڕۆژانی داهاتوودا بڵاو دەکەینەوە".

دوای خەڵاتی نیلی زاکس ئەمە دووهەمین خەڵاتی گرنگە کە بەختیار عەلی وەری‌دەگرێت.