عاشوورا هەلێکە بۆ دۆزینەوەی چارە بۆ کێشەکان لە عێراق
پوختەی هەواڵ
بەشی عێراق و هەرێمی کوردستان- سەرۆکی هەرێمی کوردستان رایگەیاند: یادکردنەوەی رووداوی دڵتەزێنی عاشوورا هەلێکە بۆ دۆزینەوەی چارەی دەستووری بۆ کێشەکان.
بەپێی هەواڵی کوردپرێس، نێچیرڤان بارزانی، سەرۆکی هەرێمی کوردستان ئەمڕۆ شەممە هەشتی خەرمانان، داوای یەکخستنی ریزەکان و بەلاوەنانی ناکۆکییەکان بۆ رووبەڕووبوونەوەی قەیرانەکان و ئاستەنگەکان و دۆزینەوەی چارەی دەستووری بۆ کێشەکانی نێوان هەولێر و بەغدای کرد.
نێچیرڤان بارزانی، لە هەژماری خۆی لە توویتەر رایگەیاند: "یادکردنەوەی رووداوی دڵتەزێنی عاشوورا و بیرکردنەوە لە واتا مرۆییە قووڵەکانی لە قوربانیدان و دڵسۆزی و بەهای بەرز، هەلێکە بۆ وانەفێربوون لەپێناو یەکخستنی ریزەکان و بەلاوەنانی ناکۆکییەکان بۆ رووبەڕووبوونەوەی قەیرانەکان و ئاستەنگەکان و دۆزینەوەی چارەی دەستووری بۆ کێشەکان، تاوەکوو سەقامگیری و گەشەکردن و ژیانی ئاسوودە لە عێراق بەدیدێن".
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران