بەپێی هەواڵی کوردپرێس، برێت مەکگورک، نوێنەری پێشووی ئەمریکا لە شەڕی دژی داعش، جارێکی تر دۆناڵد ترەمپ بەوە تۆمەتبار دەکات کە خەیانەتی لە کوردەکان کردووە و دەڵێت هۆکاری ئەو «تاوانە جەنگییەیە کە دژ بە کوردەکانی هەوپەیمانی ئەمریکا» لە کاتی هێرشی تورکیا و سەربزیوانی سەربە ئەنقەرە لە ساڵی 2019 دۆناڵد ترەمپ-ە.

مەکگورک لە چەند توویتێکدا ڕایگەیاندوووە: ترەمپ دەڵێت هیچ ڕووینەداوە و کەسیش نەکوژراوە. ئەمەش لە حاڵێکدایە پاش کشانەوەی لە ناکەوتی هێزە ئەمریکییەکان لە باکووری سووریا بەستێنی بۆ تاوانی جەنگی دژ بە کوردە هاوپەیمانەکانی ئەمریکا فەراهەم کرد دوو لەسەر سێ ئەو ناوچانەی کە پێشتر لە لایەن داعشەوە داگیر کرا بوون پێشکەشی پووتین و ئەردۆغان کرا.

مەکگورک زیاتر دەڵێت: سیاسەتی ترەمپ هەمبەر کوردەکانی سووریا پێچەڵاوپێچە و ئاماژەی بە هەراسانکردنی هێز ئەمریکییەکان دەکات لە باکووری سووریا کە یەک لە دوای یەک ڕوودەدات و دەڵێت دۆناڵد ترەمپ وەکوو فەرماندەی گشتیی هێزە چەکدارەکان بەرپرسە لەو کێشەیەشدا.

ناوبراو هەروەها ترەمپ بەوە تۆمەتبار دەکات کە هێزە پارێزەرەکانی ئەمریکای لە سنووری نێوان تورکیا و سووریا کشایەوە و بەستێنی خۆش کرد بۆ هێرشی تورکیا بۆ سەر ئەو کوردانەی کە لە شەڕی داعشدا 11000 لە هێزەکانی خۆیان لەدەست دا. بەم شێوەیە مەکگورک دەڵێت ترەمپ بەرپرسە لە کوژرانی سەدان کەس لە کوردەکانی سووریا و ئاوارە بوونی نزیک لە 200000 کەس.

کۆدی هەواڵنێر: 60113