تەقینەوەکان لە عەفرین بەرهەمی سیاسەتی وێرانکاری و داگیرکاریی تورکیایە
پوختەی هەواڵ
بەشی سووریا- فەرماندەی گشتیی هەسەدە تەقینەوە گەورەکەی دوێنێی شاری عفرین بەتوندی مەحکووم دەکات و بەکارێکی "تیرۆریستی" ناوزەد دەکات.
بەپێی هەواڵی کوردپرێس، مەزڵوم کوبانێ فەرماندەی هێزەکانی سووریای دیموکرات لەبارەی تەقینەوەکەی دوێنێ شاری عفرینەوە لە تۆڕی کۆمەڵایەتی تویتەر نووسیوویەتی " ئەوەی دوێنێ لە عفرین روویدا، کارێکی تیرۆریستی مەحکوومکراوە، کە بۆتە هۆی لەناوبردنی کەسانی بێ گوناح".
لە درێژەی نووسینەکەیدا کوبانێ دەڵێت: "ئەم کردە تاوانکاریە بەرهەمی سیاسەتی وێنرانکارییە کە داگیرکاری تورکیا و چەتە خۆفرۆشەکانی لە شاری عفرین شاری ئاشتی و زەیتوون گرتوویەتە بەر".
دوێنێ لە تەقینەوەیێکی گەورەدا لەشاری عفرین زیاتر لە ٥٠ کەس کوژران و زیاتر لە١٠٠ کەسی تر بریندار بوون کە زۆریان مەدەنین.
تورکیا ئەم تەقینەوەیەی خستە ئەستۆی یەپەگە، وەزارەتی دەرەوەی ئەمەریکاش ئیدانەی تەقینەوەکەی کرد.
کۆدی هەواڵنێر: 60113
بۆچوونی بەکارهێنەران