لە کەرکووک دۆخی چوار تووشبووەکە بە ڤایرۆسی کۆرۆنا بەرەو باشی دەڕوات
پوختەی هەواڵ
بەشی عێراق و هەرێمی کوردستان- گوتەبێژی فەرمانگەی تەندروستی کەرکووک ڕای دەگەیەنێت، دۆخی چوار کەسە تووشبووەکە بە ڤایرۆسی کۆرۆنا بەرەو باشی دەڕوات.
کوردپرێس: سامان یابە، گوتەبێژی فەرمانگەی تەندروستیی کەرکووک، بەباسنیوز-ی ڕاگەیاندووە، دۆخی تەندروستیی ئەو چوار کەسەی کە تووشی ڤایرۆسی کۆرۆنا بوونە لە کەرکووک زۆر بەرەو باشی رۆیشتووە، بەتایبەت سێ کەسیان زۆر باش بوون و تایان تا ڕادەیەکی باش دابەزیوە، یەکێکیان نەبێ کەمێ ئاسەواری زیاتری ئەو ڤایرۆسەی پێوە ماوە، ئەویش پێشبینی دەکرێت زۆر باش بێتەوە".
ناوبراو گوتیشی: "ئەوان لەژێر چاودێریی وردی پزیشکیدان و موغەزیان بۆ دادەنرێت تا ئەو کاتەی بە تەواوەتی لەو ڤایرۆسە نەجاتیان دەبێت".
کۆدی هەواڵنێر: 60113
بۆچوونی بەکارهێنەران