کوردپرێس:

ئەنجومەنی سیاسەتدانانی پێشنوێژەکانی ئێران لە بەیاننامەیێکدا ڕایگەیاند بە بۆنەی پاراستنی هاووڵاتییان لە ڤایرۆسی کۆرۆنا بڕیار دراوە لە چەندین شاری ئێران کە سەنتەری پارێزگاکانن نوێژی جومعەی ئەم هەفتەیە بەڕێوە نەچێت.

ناوی شارەکان بریتین لەمانەی خوارەوە:

"تهران، قم مقدسه، رشت، مشهد مقدس، تبریز، ارومیه، همدان،اصفهان، ساری، اردبیل، کرج،اهواز، سمنان،زاهدان، شیراز، قزوین، سنندج، کرمانشاه، یاسوج، گرگان، خرم آباد، بندر عباس، یزد "

بەیاننامەکەی ئەنجومەنی سیاسەتدانانی پێشنوێژەکانی ئێران لە کاتێکدایە کە سەرۆکی زانکۆی پزیشکیی کوردستان وتوویەتی نوێژی جومعەی ئەم هەفتەیە لە شاری سنە بەڕێوە دەچێت و بڕیاری پەکخستنی نەدراوە.

شایانی باسە لە پارێزگای کوردستان بە ڕاگەیاندنی فەرمیی زانکۆی پزیشکیی کوردستان دوو کەیسی تووشبووی ڤایرۆسی کۆرۆنا پشتڕاست کرانەوە کە یەکیان لە شاری سنە و ئەوی دیکەیان لە شاری سەقزی پارێزگای کوردستانە.