وەزارەتی ئەوقافی هەرێم پەخش کردنی دراماکان سنووردار دەکات
پوختەی هەواڵ
بەشی فەرهەنگ وەهونەر- وەزیری ئەوقاف و کاروباری ئاینیی هەرێمی كوردستان رایگەیاند، لەگەڵ وەزارەتی رۆشنبیری لە هەماهەنگیدان بۆ ئەوەی هەندێک دراما پەخش کردنیان قەدەغە بکرێت.
کوردپرێس: پشتیوان سادق وەزیری ئەوقاف و کاروباری ئاینیی هەرێمی كوردستان لە كۆنگرەیێكی رۆژنامەوانیدا رایگەیاند: "لە هەندێک کەناڵ هەندێک دراما پەخش دەکرێن کە لەگەڵ کولتوور و ئادابی کۆمەڵگەی کوردی ناگونجێن".
پشتیوان سادق ئاماژەی بەوەش كرد، "لەگەڵ وەزارەتی رۆشنبیری لە هەماهەنگیداین بۆ ئەوەی سنوورێک بۆ پەخش کردنی دراماکان دابنرێت و هەندێکیان کە لەگەڵ کولتووری ئێمە ناگونجێنن و قەدەغە بکرێن".
ئەوەش دوای ئەوەدێت، پێشتر لەساڵی 2019پشتیوان سادق بە نووسراوی فەرمی داوای لە وەزارەتی رۆشنبیری کردبوو سنوورێک بۆ پەخش کردنی دراما تورکییەکان دانبرێت.
کۆدی هەواڵنێر: 60113
بۆچوونی بەکارهێنەران