کوردپرێس: سوپای پاسدارانی شۆڕشی ئیسلامیی ئێران ڕایگەیاند: سەرلەبەیانیی ئەمڕۆ 18ی بەفرانبار جەنگاوەرە بوێرەکانی هێزی ئاسمانیی سوپا لە ئۆپەراسیۆنێکی سەرکەوتووانەدا کە لەژێر ناوی ئۆپەراسیۆنی شەهید سولەیمانی و ڕەمزی «یا زەهرا(س)» بەڕێوەچوو دەیان مووشەکی ئاراستەی بنکەی ئاسمانیی داگیر کراوی عەین ئەسەد کرد و بە تەواوی شێواندی.

دەقی بەیاننامەکەی سوپای پاسدارانی شۆڕشی ئیسلامیی ئێران

ئۆمەتی ئیسلامی و شەهید پەروەری ئێران

کاتی بردنە سەری بەڵێنەکە گەیشت و بە پشت بەستن بە خودا بەرەبەیانیی ئەمڕۆ لە وەڵامی ئۆپەراسیۆنی جەنایەتکارانەی هێزە داگیرکەرەکانی ئەمەریکا و تۆڵە کردنەوەی تیرۆری ناجوانمێرانەی فەرماندەی قارەمان و فیداکاری فەیلەقی قودسی سوپای پاسدارانی شۆڕشی ئیسلامیی ئێران سەرداری شانازی پێکراو پاسداری شەهید حاجی قاسم سولەیمانی و هاوڕێیانی، جەنگاوەرانی بوێری هێزە ئاسمانییەکانی سوپا لە ئۆپەراسیۆنێکی سەرکەوتووانەدا کە لەژێر ناوی ئۆپەراسیۆنی شەهید سولەیمانی و ڕەمزی «یا زەهرا(س)» ئەنجام درا دەیان مووشەکی ئاراستەی بنکەی ئاسمانیی داگیر کراوی عەین ئەسەد کرد و بە تەواوی شێواندی کە وردەکارییەکانی ڕادەگەیێندرێت.

سوپای پاسدارانی شۆڕشی ئیسلامیی ئێران وێڕای پیرۆزبایی ئەم سەرکەوتنە گەورەیە بە میلەتی ئیسلامی و خەڵکی فیداکاری ئێران ڕایدەگەیێنێت:

1- هۆشداری بە شەیتانی خوێنڕێژ و ڕەژیمی داگیرکەری ئەمەریکا دەدەین هەر جووڵەیێکی دووبارە و دەستدرێژیێکی دیکە وەڵامێکی قورسی لێدەکەوێتەوە.

2- ئەو دوڵەتانەی کە بنکەکانی خۆیان لەژێر کونترۆڵی سوپای تیرۆریستیی ئەمەریکا داناوە هۆشداری دەدەین لە هەر وڵاتێکەوە هێرش بکرێتە سەر کۆماری ئیسلامیی ئێران، دەیکەینە ئامانج.

3- بەهیچ لەونێک ڕەژیمی زایۆنی لەم جەنایەتەدا بە جودا لە ئەمەریکا نازانین.

4- بە خەڵکی ئەمەریکای ڕادەسپێرین بۆ ڕێگری کردن لە خەساری زیاتر، سەربازانی ئەمەریکی لە ناوچەکە بانگهێشت بکەنەوە و مۆڵەت نەدەن ڕەژیمی دژە ئینسانی ئەمەریکا گیانی سەربازانیان بخاتە مەترسیەوە.

و من نصر الا من عندالله العزیز الحکیم. 18ی بەفرانباری 1398

سوپای پاسدارانی شۆڕشی ئیسلامیی ئێران

کۆدی هەواڵنێر: 60113