پێوەندیی تەلەفونیی پۆمپیۆ لەگەڵ مەسروور بارزانی پاش تیرۆرکرانی سەردار سولەیمانی
پوختەی هەواڵ
بەشی عێراق و هەرێمی کوردستان- پاش شەهیدکرانی سەردار سولەیمانی بە فڕۆکەی ئەمریکی، مایک پۆمپیۆ وەزیری دەرەوەی ئەمریکا لە ڕێگای تەلەفونەوە پێوەندیی بە مەسروور بارزانی سەرۆکی حکوومەتی هەرێمی کوردستانەوە کرد.
کوردپرێس:
ئێوارەی ڕۆژی هەینی 2020/1/3 مەسروور بارزانی سەرۆکی حکوومەتی هەرێمی کوردستان و مایک پەمپێیۆ وەزیری دەرەوەی ئەمەریکا پەیوەندییێکی تەلەفۆنییان ئەنجام دا.
بەگوێرەی میدیاکانی پارتی دیموکراتی کوردستان، لە پەیوەندییە تەلەفۆنییەکەدا، گفتوگۆ دەربارەی دوایین پێشهاتەکانی عێراق و ناوچەکە کرا. جەخت لە سەر هێورکردنەوە دۆخی ناوچەکە و نەهێشتنی گرژی و دانبەخۆداگرتن و بەردەوامبوونی دایەلۆگ کرایەوە.
زانیاریی زیاتر لەبارەی پێوەندییە تەلەفونییەکەی وەزیری دەرەوەی ئەمریکا و سەرۆکی حکوومەتی هەرێمی کوردستان بڵاو نەکراوەتەوە.
بۆچوونی بەکارهێنەران