کوردپرێس: بەگوێرەی هەواڵێكی رۆژنامەی گاردیانی بەریتانی، یەکەمجارە لە بەریتانیا دۆسییەکی هاوشێوە هەبێت.

پۆلیس چووەتە سەر ماڵی، باوکی شەڕڤانەکە و دەستیان بەسەر مۆبایل و لاپتۆپەکەیدا گرتووە، پاشان نێوێی و کوڕێکی بە ناوی سام کە تەمەنی 18 ساڵە بۆ بنکەی پۆلیس گوازراونەتەوە و لێپریسنەوەیان لەگەڵ کردوون. جیا لە باوکەکە، سامیش هەڕەشەی دەستگیرکردنی لەسەرە.

دان نێوێی، شەڕڤانەکەی یەپەگە لە ساڵی 2017 چووەتە سووریا و پەیوەندی کردووە بە یەپەگەوە،لە ساڵی 2018 گەڕاوەتەوە بەریتانیا. لە دوای دەستپێکردنی هێرشی سوپای تورکیاش بۆسەر کوردستانی سووریا، دان گەڕاوەتەوە سووریا و دژی سوپای تورکیا دەستی بە جەنگ کردووە.

ئەندامانی ئەو بنەماڵەیە لە ئێستادا ئازاد کراون، بەڵام لە ژێر چاودێریین و دەبێت هەر کاتێک پۆلیس داوای کرد، بچنە بنکەی پۆلیس.

لەوبارەوە دان دەڵێت: "لە لایێک بەریتانیا هاوکاری یەپەگە دەکات و لە لایەکیش لێپێچینەوە لەگەڵ ئەو کەسانە دەکات کە هەرشتێکیان لەگەڵ ئەو گرووپە هەبێت. نازانم ئەوان چیان لە خێزانەکەم دەوێت چوونکە هەرکەسێک لە کارەکانی خۆی بەرپرسە".

دەشڵێت: "ئەگەر من هێندە بەبەخت بم لەم جەنگە زیندووبمێنم، دەچمەوە ماڵەوە و هەر سزایەک کە هەیە وەریدەگرم".

لای خۆیەوە پۆلیس دەڵێت، باوکی دان بە تۆمەتی هاوکاری کردنی تیرۆر دەستگیر کراوە.

کۆدی هەواڵنێر: 60113