کوردپرێس:

ڕۆژی هەینی 27ی کانوونی یەکەمی 2019 مەزڵووم کۆبانێ فەرمانەی گشتیی هێزەکانی سووریای دیموکرات لە تۆڕی کۆمەڵایەتیی تویتەر پەیامێکی بڵاو کردەوە و ڕایگەیاند ئەوەی لە تورکیا لە ئیدلیبی سووریا دەیکات هاندانی ڕەوشەکەیە بەرەو خراپتر بوون.

مەزڵووم کۆبانی ئەوەشی نووسیوە کە ئامادەن هاوکاریی ئەو هاووڵاتییانەی ئیدلیب کەن کە بە بۆنەی شەڕ و نائارامییەکانی ئەو ناوچەیە ئاوارە بوون.

فەرماندەی گشتیی هەسەدە ڕوونی کردۆتەوە کە دەرگاکانیان بە ڕووی ئاوارەکانی ئیدلیب کراوەیە و دەتوانن بە ڕێنوێنیی هێزەکانی سووریای دیموکرات خۆیان بگەیێننە ناوچەکانی ژێردەسەڵاتی هەسەدە.

شایانی باسە لە ماوەی ڕابردوودا هێرشەکانی دەوڵەتی ناوەندیی سووریا و ڕووسیا بۆ سەر ئیدلیب بەردەوام بووە کە گرووپە توندڕەوەکانی سەر بە تورکیا لەو شارە دەسەڵاتیان بەدەستەوەیە و وێرانی و بێ وەزعییێکی زۆر لەو ناوچەیە دروست بووە.