تورکیا هەوڵی دزینی سازی تەموورە دەدات
پوختەی هەواڵ
کوردپرێس:
پاش ئەوەی هەواڵێک بڵاو بوویەوە کە وڵاتی تورکیا لە نەتەوەیەکگرتووەکان کار بەو ئاراستەیە دەکات کە سازی تەموورە وەک موڵکی خۆی تۆمار بکات، نیگەرانی کەوتە نێو چینی هونەرمەند و خەمەخۆرەی بواری مۆسیقا و هونەری کوردی.
ئەگەرچی کەسایەتییێکی وەک شارامی نازری وەک خەمخۆرێکی مۆسیقای کوردی هەوڵی داوە ڕێگری لەو کارەی تورکیا بکات و هونەرمەندانیش بە کارە هونەرییەکانیان هەوڵ دەدەن بیسەلمێنن کە تەموورە سازێکی کوردییە بەڵام بە تەنها ئەو هەوڵانە کاریگەرییان نابێت و دەبێت لایەنێکی فەرمی لە دەسەڵاتەوە کار بۆ ئەو بابەتە بکات.
ئومێد قادری بەڕێوەبەری ئیدارەی میراتی فەرهەنگی و گەشتیاریی کرماشان لەو بارەیەوە وتوویەتی نازانم ئەو هەواڵە تا چەند ڕاستە کە تورکیا کار بەو ئاراستەیە دەکات یان خەیر. بەڵام ئەوەی ڕوونە دەبێت بڵێم تەموورە سازێکی تایبەتی ناوچەی خۆرئاوای ئێرانە و بەڕوونی لە ناوچەی کرماشان و داڵەهۆ سەری هەڵداوە و ئەرکی ئێمەیشە پارێزگاری لەو سازە بکەین.
شایانی باسە پێشتر وڵاتی تورکیا لە نەتەوەیەکگرتووەکانی ئامێری دیوانی وەک سازێکی تورکی تۆمار کرد و ئێستا ئەو سازە بە ناوی سازی تورکی لە نەتەوەیەکگرتووەکان دەناسرێت.
بۆچوونی بەکارهێنەران