پشکى کورد لە کۆمسیۆنى هەڵبژاردنەکانى عێراق دیاری کرا
پوختەی هەواڵ
بەشی عێراق و هەرێمی کوردستان- پەرلەمانى عێراق یاسای كۆمیسیۆنی ههڵبژاردنهكانی عێراقی هەموارکردەوە و پشكی كوردیش له كۆمیسیۆنهكه دیاری كرا.
کوردپرێس: بهپێی هەموارى یاسا كۆمیسیۆنی ههڵبژاردنهكانی عێراق، کۆمسیۆنى هەلبژاردن له نۆ كهس پێكدێت و پشکى کوردیش لەو کۆمسیۆنە دوو ئهندامە.
هەروەها وەک لە هەموارەکەدا هاتووە كۆمسیۆنهكه له حهوت دادوهر و دوو ئهندامی ئهنجومهنی دهوڵهت پێكدێت.
لە دانیشتنى پەرلەمانى عێراق کە لەبارەى گۆڕین و هەموارکردنەوەى یاسای کۆمسیۆنى هەڵبژاردنەکان بوو یاساکە بە چەندین دەستکارییەوە هەموار کرایەوە.
پەرلەمانى بڕیاری دا بەرپرسانى ئێستای کۆمسیۆنى خانەنشین بکرێن و بەڕێوەبەرە گشتییەکانیش بۆ فەرمانگەکانى دیکەى حکوومەت دەگوزارێنەوە.
بەپێى هەموارى یاساکە فەرمانبەرانى کۆمسیۆن لە شوێنى خۆیان دەمێننەوە و گۆڕانکارى لەسەر بەرپرسان و بەڕێوەبەرەگشتییەکاندا دەکرێن.
کۆدی هەواڵنێر: 60113
بۆچوونی بەکارهێنەران