بەپێی هەواڵی کوردپرێس، غیاس سوورچی لە گفتوگۆ لەگەڵ ئاژانسی هەواڵی "بغداد الیوم"دا ڕایگەیاند: ماڵپەڕەکانی نزیک لە پارتی دیموکراتی کوردستان؛ یەکێتی نیشتمانیی کوردستان بەوە تۆمەتبار دەکەن کە لە پشت بڕیارەکەی دادگای فیدراڵیەوە بووە سەبارەت بە ڕێگری کردن لە ناردنی پشکی بوودجەی هەرێمی کوردستان لەلایەن بەغداوە.

سوورچی جەختی لەوەش کردەوە کە ئەم تۆمەتانەی کە پارتی دیموکراتی کوردستان دەیخاتە پاڵ حزبەکەی دوورن لە ڕاستی و هەمووی درۆیە، چوونکە بەوتەی ناوبراو "یەکێتی نیشتمانیش بەشدارە لە بەڕێوەبردنی نیوەی ناوچەکانی هەرێمی کوردستان و بەهۆی ئەو بڕیارەی دادگای فیدراڵی زەرەرمەند بووە.

ناوبراو ئاشکراشی کرد دەشڵێت: تا ئێستا هیچ وادەیەک بۆ سازدانی کۆبوونەوەی نوێی لەنێوان یەکێتی نیشتمانی و پارتی دیموکرات دیار نەکراوە.