ململانێی یەکێتی و پارتی لەسەر پۆست و سەروەت و سامانی هەرێمی کوردستانە
پوختەی هەواڵ
بەشی عێراق و هەرێمی کوردستان- نوێنەری پێشووی پەرلەمانی عێراق دەڵێت ناکۆکییەکانی نێوان یەکێتی نیشتمانی و پارتی دیموکراتی کوردستان تەنها لەسەر دەسەڵات و سەروەت و سامان و داهاتی هەرێمی کوردستان و جەختی لێدەکاتەوە: ئەم دوو لایەنە دەستیان بەسەر چارەنووسی هەرێم و داهاتی دەروازە سنوورییەکان، کە ژمارەیان زیاتر لە ٢١ دەروازەیە، گرتووە.
بەپێی هەواڵی کوردپرێس، غالب محەمەد عەلی بە هەواڵدەریی «المعلومە»ی ڕاگەیاندووە ناکۆکی و گرژییەکانی نێوان پارتی دیموکراتی کوردستان و یەکێتیی نیشتمانیی کوردستان کاریگەریی خراپی له سه ڕ بارودۆخی پارێزگای سلێمانی هەبووه و ئاماژەی بەوەشدا که ئەم دوو لایەنه لەسەر دابەش کردنی سامانە سروشتییەکان، بەتایبەتی نەوت و غازی هەرێمی کوردستان، و تەنانەت دەروازە سنوورییەکانی هەرێم کە زۆربەیان دەکەونە سنووری پارێزگای سلێمانی و بەشێکیشیان دەکەونە پارێزگاکانی هەولێر و دهۆک، ڕێککەوتنیان کردووە.
ناوبراو ئاماژەی بۆ ئەوەش کرد کە کۆنترۆڵ کردنی دەروازە سنوورییەکانی دهۆک و هەولێر لە ئەستۆی پارتی دیموکرات و کۆنترۆڵ کردنی دەروازە سنوورییەکانی پارێزگای سلێمانیش لە ئەستۆی یەکێتیی نیشتمانییە.
بۆچوونی بەکارهێنەران