بەپێی هەواڵی کوردپرێس، دوێنێ یەکشەممە، تەقینەوەیەک لە شەقامی ئیستقلال لە ناوچەی تەقسیم لە شاری ئیستانبووڵ روویدا و بەهۆیەوە 6 کەس کوژراون و 53 کەسی دیکەش بریندار بوون.

سەبارەت بە تەقینەوەکە سلێمان سۆیلۆ وەزیری ناوخۆی تورکیا لە راگەیەندراوێکدا ئاماژەی بەوەداوە، ئەو کەسەی بۆمبەکەی دانابوو دەستگیرکراوە و بەگوێرەی لێکۆڵینەوەکەیان پەکەکە بەرپرس بووە لە ئەنجامدانی تەقینەوەکە.

لای خۆشیەوە فوات ئۆکتای جێگری سەرۆککۆماری تورکیا وتویەتی، پێیان وایە ئەوەی روویداوە تیرۆریستییە و لەلایەن هێرشکارێکەوە ئەنجام دراوە کە ژنێکە، هەروەها بەکر بۆزداگ وەزیری دادی تورکیاش ئاماژەی بەوەداوە، ژنێک بۆ ماوەی 40 خولەک لەسەر کورسییەک دانیشتووە و دواتر رۆیشتووە، خولەکێک یاخود دوو خولەک دوای ئەوە تەقینەوەکە روویداوە.