سەرۆكی هەرێمی کوردستان پێشوازیی لە كونسولی ڕووسیا دەكات
پوختەی هەواڵ
بەشی عێراق و هەرێمی کوردستان- نێچیرڤان بارزانی پێشوازیی لە ئۆلێگ لڤین كونسولی گشتیی ڕووسیای فیدرال لە هەرێمی كوردستان كرد.
بەپێی هەواڵڵی کوردپرێس، کونسولی ڕووسیا لە دیدارەکەدا بە مەبەستی كۆتاییهاتنی کارەکەی لە هەرێمی كوردستان و بۆ ماڵئاوایی سەردانی سەرۆكی هەرێمی كوردستانیی کرد كردبوو.
نێچیرڤان بارزانی سوپاسی كرد بۆ پشتیوانی و ڕۆڵی لە پتەو كردنی پەیوەندییەكانی وڵاتەکەی لەگەڵ هەرێمی كوردستان لەماوەی كاركردنیدا و هیوای سەركەوتنی لە كاری داهاتوودا بۆ خواست.
بارزانی دووپاتیشی كردەوە كە هەرێمی كوردستان و عێراق خوازیاری پەرەپێدانی پەیوەندییەكانن لەگەڵ ڕووسیای فیدرال و جەختی لە پەیوەندییە دێرینەكانی نێوان هەرێمی كوردستان لەگەڵ رووسیا كردەوە.
تاوتوێ كردنی پەرەسەندنە سیاسی و ئەمنییەكانی عێراق و ناوچەكە و جیهان و چەند بابەتێكی جێگەی بایەخی هاوبەش، لایەنێكی دیكەی دیدارەكە بوو.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران