بەپێی هەواڵی کوردپرێس، ڕه‌جه‌ب ته‌یب ئه‌ردۆغان، سەرۆک کۆماری تورکیا هه‌ڕه‌شه‌ ده‌کات: "شه‌وێک به‌سه‌ر یەپەگە و پەکەکەدا ده‌ده‌ین ‌و مۆڵه‌تیش له‌که‌س وه‌رناگرین.

ڕەجەب تەیب ئەردۆغان سەرۆک کۆماری تورکیا باس له‌وهش ‌ده‌کات، ئەمریکا و هاوپەیمانان پاڵپشتی لە یه‌په‌گه ‌و هه‌سه‌ده‌ له‌ کوردستانی سووریا دەکەن، هه‌ڕه‌شه‌ى ئه‌وه‌ش ده‌کات لە باکووری سووریا بچووکترین هەڕەشە لەدژی تورکیا بەدیبکرێت، زۆر بەتووندی وەڵامیان دەدەینەوە.

ئه‌وه‌شى وتووه‌، "ئەمریکا و تەواوی هێزەکانی هاوپەیمانان بە چەک‌ و کەرەستەی سەربازیی و پارە پاڵپشتی له‌و دوو هێزه‌ دەکەن کە لە ناوچەکانی باکووری ڕۆژهەڵات تاوەکوو باکووری ڕۆژئاواى سووریا پێگەیان قایم کردووە".

ئه‌ردۆغان ده‌ڵێت: "چاوپۆشیمان پێناکرێت لەو هەموو ڕووداوو هەڕەشانە، ئەگەر ئەمریکا بەئەرکى سەرشانی خۆی هەڵنەستێت، خۆمان مشوری خۆمان دەخۆین‌ و مۆڵەتیش لەکەس وەرناگرین".

ناوبراو جه‌ختی کردۆته‌وه‌، "وەک چۆن لە باکووری عێراق ئۆپەراسیۆن لە دژی پەکەکە و هاوبەشەکانی پەکەکە دەکەین، هەمان کردار بەبایەخ‌ و توانای زیاترەوە بۆ باکووری سووریاش لەئارادا دەبێت، بۆیه‌ به‌دڵنیاییه‌وه‌ شه‌وێک به‌سه‌ریاندا ده‌ده‌ین".