خەتیب زادە: ئێران بە نیگەرانیی قووڵەوە بەدواداچوون بۆ گۆڕانکارییەکانی ئۆکراینا دەکات
پوختەی هەواڵ
بەشی ئێران- وتەبێژی وەزارەتی دەروەی ئێران لەبارەی گۆڕانکارییەکانی ئۆکراینا وتی: کۆماری ئیسلامیی ئێران بە نیگەرانیی قووڵەوە بەدواداچوون بۆ ئەم پرسە دەکات.
بەپێی هەواڵی کوردپرێس، سەعید خەتیب زادە لەبارەی گۆڕانکارییەکان لە ئۆکراینا وێڕای ڕاگەیاندنی ئەسەفی خۆی لە دەستپێکردنی شەڕ و پێکدادان، ڕایگەیاند: کۆماری ئیسلامیی ئێران بە نیگەرانیی قووڵەوە بەدواداچوون بۆ گۆڕانکارییەکانی ئۆکراینا دەکات.
خەتیب زادە وتیشی: بەداخەوە درێژەی هەڵمەتەکانی ناتۆ بە ڕێبەریی ئەمریکا ئەم دۆخەی لێکەوتۆتەوە و ناوچەی ئوورائاسیای بردۆتە ناو قەیرانێکی قووڵەوە.
وتەبێژی وەزارەتی دەرەوەی ئێران ڕاشیگەیاند: کۆماری ئیسلامیی ئێران داوا لە لایەنەکانی شەڕ دەکات دان بە خۆیاندا بنێن و پێکدادانەکان بوەستێنن و بەزووترین کات دانوستان دەست پێبکەن بۆ گەیشتن بە ڕێگاچارەی سیاسیی پرسەکە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران