هەڵوێستی ڕاوێژکاری بارزانی لەسەر پەیامەکەی سەدر
پوختەی هەواڵ
بەشی عێراق و هەرێمی کوردستان- لەدوای توویتەکەی سەدر لەسەر کاندیدەکەی پارتی بۆ پۆستی سەرۆک کۆمار، ڕاوێژکارێکی مەسعوود بارزانی ڕایگەیاند، زێباری مەرجەکانی تێدایە و کاندیدی پارتی و سەدرییەکان و تەقەدوومە.
بەپێی هەواڵی کوردپرێس، مەسعوود حەیدەر، ڕاوێژکاری مەسعوود بارزانی، سەرۆکی پارتی لە لێدوانێکی تەلەفزیۆنیداڕایگەیاند: "پەرلەمانی عێراق بەپێی یاسا کارپێکراوەکان وردبینی بۆ ناوی کاندیدەکانی بۆ پۆستی سەرۆک کۆمار کردووە و ڕاگەیاندنی هۆشیار زێباری وەک کاندیدێک بۆ پۆستی سەرۆکایەتی دوای قۆناغی وردبینیکردن بووە".
ناوبراو ئاماژەی بەوەش کردووە، "هۆشیار زێباری مەرجەکانی تێدایە، توویتەکەی موقتەدا سەدریش وەک ڕێزگرتنە لە دامەزراوەکانی دەوڵەت و پشتگیریکردن لە پرۆسەی چاکسازی".
ڕاوێژکارەکەی سەرۆکی پارتی ڕاشیگەیاندووە: "هۆشیار زێباری کاندیدی هاوپەیمانی زۆرینەی نیشتیمانییە کە پێکهاتوون لە سەدڕییەکان و تەقەدوم و پارتی هەمووانیش لەو هاوپەیمانییە سێ لایەنە و تەنانەت لایەنەکانی ناو چوارچێوەی هەماهەنگیش دەڵێن کە کاندیدی پارتی دەبێتە سەرۆک کۆمار".
بۆچوونی بەکارهێنەران