بەپێی هەواڵی کوردپر ێس، بەرهەم ساڵح سەرۆک کۆماری عێراق لە فەرمانێکی کۆماریدا کە ئەمڕۆ پێنجشەممە واژۆی لەسەر کردووە، بەگوێرەی مادەی 54 و 73ـی دەستووری عێراق و دوای پەسەند کردنی ئەنجامی کۆتایی هەڵبژاردنەکان لەلایەن دادگای فیدڕاڵییەوە، داوا دەکات خولی نوێی پەرلەمان رۆژی یەکشەممە 2022/01/09 بەسەرۆکایەتی بەتەمەنترین ئەندامی پەرلەمان یەکەمین کۆبونەوەی خۆی ئەنجام بدات.

ئەوەش هاتووە، ئەم فەرمانە لەرۆژی دەرچوونیەوە جێبەجێ دەکرێت و لەرۆژنامەی فەرمی دەوڵەتدا بڵاو دەکرێتەوە.

27ی ئەم مانگە دادگای فیدڕاڵیی عێراق له‌باره‌ی سكاڵاكان و ئه‌نجامی هه‌ڵبژاردنه‌كانی 10ی تشرینی یەکەمی 2021 كۆبووه‌وه‌ و سکاڵای تایبەت بە هەڵوەشاندنەوەی ئەنجامی هەڵبژاردنەکانی رەت کردەوە و ئەنجامی کۆتایی هەڵبژاردنی پەسند کرد.

دادگای فیدڕاڵی عێراق داواشی لە خولی نوێی پەرلەمانی عێراق کرد یاسای هەڵبژاردنەکان بگۆڕێت، بەجۆرێک جیاکردنەوەی دەنگەکان تەنها لەرێگەی دەستییەوە بژمێردرێن و پشت بە جیاکردنەوەی ئەلیکترۆنی نەبەسترێت.