وەزیری دەرەوەی ئێران لەبارەی هێرشی سەر ماڵەکەی کازمییەوە گفتوگۆی لەگەڵ وەزیری دەرەوەی عێراق کرد
پوختەی هەواڵ
بەشی ئێران- پاش هێرشی شکستخواردووی سەر ماڵەکەی سەرۆکوەزیرانی عێراق، ئەمیرعەبدوڵڵاهیان وەزیری دەرەوەی ئێران لە ڕێگای تەلەفونەوە قسەی لەگەڵ فواد حوسێن وەزیری دەرەوەی عێراق کرد و خۆشحاڵیی خۆی دەربڕی کە مستەفا کازمی لە سەلامەتیی تەواودایە.
کوردپرێس:
ئەمیر عەبدوڵڵاهیان وەزیری دەرەوەی ئێران لە ڕێگای تەلەفونەوە پێوەندیی بە فواد حوسێن وەزیری دەرەوەی عێراق کرد و لەبارەی هێرشەکەی سەر ماڵەکەی مستەفا کازمییەوە گفتوگۆیان کرد.
وەزیری دەرەوەی ئێران سەلامی سەرۆککۆماری ئێرانی گەیاندە لایەنی عێراقی و خۆشحاڵیی خۆیشی دەربڕی کە سەرۆکوەزیرانی عێراق تەندروستیی باشە و هێرشەکەی سەر ماڵەکەی شکستی هێناوە.
لە گفتوگۆ تەلەفونیەکەدا فواد حوسێن دەستخۆشیی لە لایەنی ئێرانی کرد و سپاسی سەرۆککۆماری ئێرانی کرد بابەتەکەی لا گرینگ بووە.
فواد حوسێن ڕوونیشی کردەوە کە لە هێرشەکەدا کەس زیانی بەر نەکەوتووە و بەرپرسانی باڵای عێراقی بەدواداچوون بۆ بابەتەکە دەکەن.
بۆچوونی بەکارهێنەران