بەپێی هەواڵی کوردپرێس، سەردار محەمەد تەقی ئوسانلوو لە ڕێوڕەسمی ڕێزگرتن لە پێشەنگانی بەرەڤانیی پیرۆزدا ڕایگەیاند: ئەگەر پێویست بکات بنکە و بارەگاکانی ئەو جەنگخوازانە لەناو دەبەین.

ناوبراو زیاتر وتی: کۆماری ئیسلامیی ئێران ئێستا لە ساڵی 1359دا نییە کە بۆ دابین کردنی کەرەستە جەنگییەکان کێشەی ببێت، سپاس بە خودا لە ئێستادا هێزە چەکدارەکانمان لە ئەو پەڕی ئامادەباشیدان.

سەردار ئوسانلوو ڕاشیگەیاند: ژمارەیێک لە گرووپە تیرۆریستییەکان خۆیان داوەتە پاڵی گوندنشینەکانی دراوسێی ئێران و بەو شێوەیە خەڵکی ئەو ناوچانە وەکوو قەڵغان بە کار دێنن، ئەمەش کارێکی نامرۆڤانەیە.

شایانی باسە سوپای پاسدارانی ئێران لە چەند هەفتەی ڕابردوودا بنکە و بارەگای گرووپە بەرهەڵستکارەکانی ئێرانی لە باکووری عێراق کردە ئامانج ئەوەش لە وەڵامی هەوڵەکانی ئەم دواییەی ئەو گرووپانەدا.