بەپێی هەواڵی کوردپرێس، هەر لەو دیدارەدا ئەسەد و عەبدوڵڵاهیان گفتوگۆیان کرد لەسەر هەنگاوەکان بۆ پتەو کردنی هەماهەنگی دوولایەنە لەگەڵ تێڕوانینێک بۆ گەیشتن بە ئاستێکی بەرزتر لە هاوبەشی کردن لە ئاستە جیاجیاکاندا بەتایبەتی لە بواری ئابووری و بازرگانیدا.

هەر لە کۆبوونەوەکەدا باس لە دوایین پێشهاتە ناوچەیی و نێودەوڵەتییەکان کرا، بەتایبەتی بارودۆخی ئەفغانستان و دەرهاویشتەکانی بۆ ئاسایش و سەقامگیری ناوچەکە بەگشتی.

وەزیری دەرەوەی ئێران رایگەیاند، "ئێران و سووریا سەرکەوتنێکی بەرچاویان بەدەست هێناوە لە شەڕی دژی تیرۆردا، سوپاس بۆ ویستی هاوبەشی ڕێبەرایەتییەکانی هەردوو وڵات".

حسێن ئه‌میر عەبدوڵڵاهیان دووپاتیشی کردەوە کە "پشتیوانی بەردەوامی ئێران بۆ سووریا و خەڵکەکەی بۆ بەرەنگاربوونەوەی تیرۆر بە هەموو شێوەکانییەوە، بەتایبەتی تیرۆری ئابووری و بەردەم دەبێت".

لای خۆیەوە ئەسەد جەختی لەوە کردەوە کە "بەردەوامی هاوکاریی نێوان سووریا و ئێران ئەنجامی ئەرێنی داوە لە پاراستنی بەرژەوەندییەکانی هەردوو وڵات و گەلانی دۆست بەتایبەتی لە شەڕی دژی تیرۆردا".

کۆدی هەواڵنێر: 60113