بەپێی هەواڵی کوردپرێس، له‌ راگه‌یه‌ندراوێكدا ده‌روازه‌ی نێوده‌وڵه‌تی په‌روێزخان بڵاویكرده‌وه‌: دوای ئه‌وه‌ی كۆماری ئیسلامی ئێران هاتوچۆی گه‌شتیاریی له ‌ڕێگه‌ی ده‌روازه‌ی نێوده‌وڵه‌تیی په‌روێزخانه‌وه‌ ڕاگرت، لە ڕۆژی شه‌ممه 21ی ئەگێستەوە‌، هاتوچۆی گه‌شتیاریی له ‌ڕێگه‌ی ده‌روازه‌كه‌وه‌ ده‌ستیپێكرده‌وه‌.

ڕاگەیێنراوەکە ئه‌وه‌شی خسته‌ڕوو، به‌هۆی ئه‌وه‌ی ژماره‌یێكی زۆر هاوڵاتی و گه‌شتیاری ئێرانی ده‌یانویست به‌مه‌به‌ستی زیاره‌ت و به‌شداری كردن له‌یادی عاشوورا بێنه‌ هه‌رێمی كوردستان و له‌وێشه‌وه‌ بچنه‌ كه‌ربه‌لا و شاره‌كانی عێراق، كۆماری ئیسلامی ئێران له‌ئێواره‌ی 16ی ئابی 2021ه‌وه‌ هاتوچۆی گه‌شتیاریی له‌ڕێگه‌ی ده‌روازه‌ی نێوده‌وڵه‌تی په‌روێزخانه‌وه‌ ڕاگرتبوو.

باسی له‌وه‌ش كرد، گه‌شت كردن له‌ڕێگه‌ی ده‌روازه‌ی نێوده‌وڵه‌تی په‌روێزخانه‌وه‌ ده‌ستیپێكردوه‌ته‌وه‌، هاوڵاتیان و گه‌شتیاران ده‌توانن به‌ڤیزا له‌ڕێگه‌ی ده‌روازه‌كه‌وه‌ سه‌ردانی وڵاتی ئێران بكه‌ن.

کۆدی هەواڵنێر: 60113