کۆبوونەوەکانی بەرەی ئاشتی و ئازادیی سووریا کۆتایی هات
پوختەی هەواڵ
بەشی سووریا- بەرەی ئاشتی و ئازادی لە هەولێر کۆ بووەوە و لەبارەی دۆخی سووریا و چارەسەری سیاسیی ئەو وڵاتەوە گفتوگۆی کرد.
کوردپرێس:
بەرەی ئاشتی و ئازادی ڕۆژی چوارشەمەی ڕابردوو کۆبوونەوەکانی ئەنجومەنی سەرکردایەتیی خۆی لە هەولێر ئەنجام دا و لەو دانیشتنانەدا کە بۆ ماوەی دوو ڕۆژ بەردەوام بوو لەبارەی چارەسەری سیاسیی سووریاوە باس و ڕاگۆڕینەوە کرا.
لەو کۆبوونەوانەدا لەبارەی وەزعی بەرەکە هاوکات لەگەڵ یەکەم ساڵوەگڕی دامەزرانی باس کرا و دۆخی سووریا و چارەسەری سیاسی لەو وڵاتەش تاوتوێ کرا.
عیماد برهو وتەبێژی بەرەکە بە میدیاکانی گوتووە ئەو بەرەیە خۆی بە بەشێک لە دژبەران دەزانێت و کێشەی لەگەڵ لایەنە دژبەرەکان نیە و بەدیلی هیچ لایەنێکیش نیە.
ناوبراو زیادی کرد ئەو بەرەیە هەوڵ دەدات لایەنی خەڵک بگرێت و نوێنەری گرووپە دژبەرەکانی سووریایە کە بڕوایان بە دیموکراسیەت و بەشداری پێکردنی زۆرینە هەیە بۆ ئەوەی کۆتایی بهێنن بە ستەم کردن لەگەڵ یەکتر.
بۆچوونی بەکارهێنەران