بەپێی هەواڵی کوردپرێس، سه‌رۆکی شانه‌ی راگه‌یاندنی ئه‌منی عێراق لە ڕاگەیەندراوێکدا بڵاویکردەوە، ژمارەیەک له‌ میدیاکان باسیان له‌ دابه‌زینی هێز کردووه‌ له‌ بیابانی که‌ربه‌لا له‌ خۆرهه‌ڵاتی نخێب و نه‌جه‌ف، بابه‌ته‌که‌ په‌یوه‌ندی به‌ ڕووداوێکه‌وه‌ هه‌یه‌ که‌ له‌ ۵ی مانگی (ئازار/۳) ڕوویداوه‌.

سه‌عد مه‌عن، ئاماژەی بەوەشکردووە، لەو ڕۆژەدا کاتێک هێزێکی ئه‌منی عێراق چووه‌ شوێنی دابه‌زینی هێزه‌که‌ و له‌گه‌ڵ هێزێکی نادیاری بێ مۆڵه‌تدا که‌ پشتیوانی ئاسمانی هه‌بوو، ڕووبه‌ڕووی پێکدادان بووه‌وه‌، به‌هۆی ئه‌م پێکدادانه‌وه‌ که‌سێک له‌ هێزه‌ ئه‌منییه‌کان شه‌هید و ۲ که‌سی دیکەش برینداربوون".

سه‌عد مه‌عن ئاماژه‌ به‌وه‌ش ده‌کات، دوای پێکدادانه‌که‌ هێزه‌ ئه‌منییه‌که‌ی عێراق که‌ فه‌رمانده‌یی ئۆپراسیۆنه‌کانی که‌ربه‌لا و نه‌جه‌ف بوون، هه‌ر له‌ ناوچه‌که‌ ماونه‌ته‌وه ‌و هه‌موو ناوچه‌ بیابانییه‌کانیان پشکنیوه‌، له‌ مانگه‌کانی (نیسان/۴) و (ئایار/۵)ـدا هیچ هێزێکی بێ مۆڵه‌تیان نه‌دۆزیوه‌ته‌وه‌، هێزه‌ ئه‌منییه‌کان به‌رده‌وامن له‌ ئه‌رکه‌کانیان و هیچ شتێک له‌ هیچ ناوچه‌یه‌کی عێراق نییه‌.