بافڵ تاڵەبانی و عامری جەخت لە خێرا کردنی هەنگاوەکانی پێکهێنانی حکوومهت دەکەنەوە
پوختەی هەواڵ
بافڵ تاڵەبانی سەرۆکی یەکێتی و هادی عامری سەرۆکی هاوپەیمانیی فەتح کۆ بوونهوه و جەختیان لە خێراترکردنی هەنگاوەکانی پێکهێنانی حکوومەتی نوێی عێراق و داڕشتنی پرۆژەیەکی نیشتمانی بۆ کارنامەی حکوومەت کردەوە.
کوردپرێس: بهگوێرهی ڕاگهیهندراوێکی نووسینگهی سهرۆکی یهکێتی، بافڵ تاڵهبانی و هادی عامری، سەرۆکی هاوپەیمانیی فەتح لە بەغدد کۆ بوونەوە و جەختیان لە خێراترکردنی هەنگاوەکانی پێکهێنانی حکوومەتی نوێی عێراق و داڕشتنی پرۆژەیەکی نیشتمانی بۆ کارنامەی حکوومەت کردەوە کە بنەماکەی خزمەتکردنی زیاتری هاوڵاتییان و پاراستنی بەرژەوەندییە باڵاکان بێت.
بهگوێرهی ڕاگهیهندراوێکی دیکهی سهرۆکی یهکێتی، بافڵ تاڵەبانی له کۆبونهوهیهکی دیکهدا لهگهڵ نووری مالیکی، سەرۆکی ھاوپەیمانیی دەوڵەتی یاسا لە بەغدا کۆ بووەوە و جەختیان لە لێکنزیککردنەوەی بۆچوونی لایەنەکان و گەڵاڵەکردنی دیدی هاوبەش بۆ پێکهێنانی حکوومەتی نوێی عیراق لەکاتی دیاریکراوی خۆیدا کردەوە.
بۆچوونی بەکارهێنەران