بەپێی هەواڵی کوردپرێس، ڕەجەب تەیب ئەردۆغان لە تۆڕی کۆمەڵایەتیی X پەیامەکەی بڵاو کردووەتەوە و دەڵێت: "نیگەرانیی قووڵم هەیە بۆ کۆچی دوایی پەرلەمانتاری بازنەی ئیستەنبووڵ و بریکاری سەرۆکی پەرلەمانی تورکیا، سری سورەیا ئۆندەر. خوازیارم خوا لە بەڕێز ئۆندەر خۆش بێت و سەرەخۆشی ئاراستەی خێزانە خەمگینەکەی، خۆشەویستانی، دەم پارتی و پەرلەمانی تورکیا دەکەم".

ئەردۆغان دەشڵێت: "دوایین جار لە کۆشکی کۆماری پێشوازیم لە خوالێخۆشبوو ئۆندەر کرد و بە شێوەیەکی بەرهەمدارانە ئاڵوگۆڕی بیروڕامان لەبارەی ئەو دیدارانە کرد کە ئەنجامیان دەدا. لە دڵەوە باوەڕم بەوەیە بەئامانجی 'تورکیای بێ تیرۆر' بگەین کە سری سورەییا ئۆندەر لەم دواییەدا ڕەنجی زۆری بۆ کێشا".

پەیامەکەی رەجەب تەیب ئەردۆغان لەکاتێکدایە کە ئێوارەی ئەمڕۆ شەممە ۳-۵-۲۰۲۵ سری سورەییا ئۆندەر، دوای ۱۸ رۆژ مانەوەی لە نەخۆشخانە کۆچی دوایی کرد.

دەم پارتی دەڵێت، رۆژی یەکشەممە، چواری ئایاری ۲۰۲۵، تەرمی سری سورەییا ئۆندەر لە ئیستەنبووڵ و گۆڕستانی زنجیرلی کویوو بەخاک دەسپێردرێت.