بەهۆی خۆڵبارینەوە لە چەند ناوچەیێکی عێراق باری نائاسایی ڕاگەیەنرا
پوختەی هەواڵ
بەهۆی هاتنی شەپۆلێکی چڕی خۆڵبارینەوە بۆ عێراق، لە چەند پارێزگایێکی ئەو وڵاتە باری نائاسایی ڕاگەیەندرا.
میدیای فەرمیی عێراق بڵاوی کردەوە: "بەهۆی چڕیی ئەو شەپۆلە خۆڵبارینەی چەند ناوچەیێکی عێراقی گرتوەتەوە، مەترسیی لەسەر تەندروستیی هاوڵاتییانی پارێزگاکانی بەسرە، کەرکووک، زیقاڕ و نەجەف دروست بووە".
ئەسعەد عیدانی، پارێزگاری بەسرە، شەوی دووشەممە، ۱۴ی نیسانی ۲۰۲۵ لەبارەی ڕاگرتنی دەوام لە پارێزگاکە رایگەیاند: "بڕیاری راگرتنی دەوام بە مەبەستی پاراستنی سەلامەتیی هاووڵاتییان و فەرمانبەرانە، بەتایبەتی لەگەڵ دابەزینی ئاستی بینین و کاریگەریی خۆڵبارین لەسەر تووشبووانی نەخۆشییەکانی کۆئەندامی هەناسە".
تەندروستیی بەسرە رایگەیاندووە بەهۆی خۆڵبارینەوە لانیکەم ۳۶۱ کەس تووشی هەناسەتووندی بوون.
ئەوەش خراوەتەڕوو، سەدان کەس لەو دوو پاریزگای زیقار و نەجەف دۆخی تەندروستییان تێکچووە و ڕەوانەی نەخۆشخانەکان کراون.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران