لێكتێگەیشتنی باش لەسەر پێكهێنانی حكوومەت درووست بووە

پوختەی هەواڵ

قوباد تاڵەبانی ڕایگەیاند، كۆبوونەوەکەی دوێنێی بافڵ تاڵەبانی و مەسروور بارزانی لە كەشێكی ئەرێنیدا بەڕێوەچوو، دەشڵێت لێكتێگەیشتنی باش لەسەر پێكهێنانی حكوومەت دروست بووە.

بەپێی هەواڵی کوردپرێس، قوباد تاڵەبانی جێگری سەرۆک وەزیرانی هەرێم پێشوازیی كرد لە پاتریک دۆرێل، باڵیۆزی فەرەنسا لە عێراق و ئاماژەی بەوەکرد "كۆبوونەوەکەی دوێنێی بافڵ تاڵەبانی و مەسروور بارزانی كاریگەری ئەرێنی دەبێت لەسەر كۆبوونەوەی داهاتووی وەفدی باڵای دانووستانكاری یەكێتی و پارتی".
قوباد تاڵەبانی باسی لەوەش کرد: "هەرێمی كوردستان پێویستی بە حكومەتێكی كارا و بەهێز و خزمەتگوزار هەیە و وتیشی هەموو هەوڵێكیان بۆ ئەوەیە كە لە رێككەوتنی ئەمجارەی پێكهێنانی حكومەتدا، میكانیزمی گونجاو دیاری بكرێت بۆ ئەوەی لایەنەكان پابەندبكرێن بە جێبەجێ كردنی رێككەوتنەكە".

#کوردپرێس #کورد #کوردستان #مەسروور بارزانی #قوباد تاڵەبانی #بافڵ تاڵەبانی #سەرۆک وەزیرانی هەرێمی کوردستان #جێگری سەرۆک وەزیرانی هەرێمی کوردستان #پاتریک دۆرێل #باڵیۆزی فەرەنسا لە عێراق

زیاتر بخوێنەوە

هەواڵی پێشوو و داهاتوو