مەسعوود بارزانی: داگیركاری و ستەم چەندە بەهێزیش بن، سەرئەنجام هەر كۆتایی دێت

پوختەی هەواڵ

سەرۆکی پارتی دیموکراتی کوردستان لە یادی ڕاپەڕیندا ڕایدەگەیەنێت سەرباری زوڵم و سەرکوتکاری و تۆقاندن، گەلی كوردستان زیندووە و ئازادی و سەربەستی دەوێت.

بەپێی هەواڵی کوردپرێس، مەسعوود بارزانی سەرۆکی پارتی، لە پەیامێکدا بە بۆنەی سی و چوارەمین ساڵیادی ڕاپەڕین بڵاوی کردەوە: "ڕاپەڕین یەکێکە لە سەروەری و دەستکەوتە گرانبەهاکانی گەلی کوردستان، لە سایەی ئیرادەی ئازادیخوازی گەلی كوردستان و قارەمانێتی پێشمەرگە و یەكڕیزی لایەنەكانی ناو بزووتنەوەی ڕزگاریخوازی كوردستاندا ڕاپەڕین هاتەدی و سەركەوتنی بەدەست هێنا".

بارزانی ڕاشیگەیاندووە: "ڕاپەڕین پەیامێکی ڕوون بوو کە سەرباری بوونی زوڵم و سەرکوتکاری و تۆقاندن، گەلی كوردستان زیندووە و ئازادی و سەربەستی دەوێت، ڕاپەڕین ئەو ڕاستییەی سەلماند كە داگیركاری و ستەم چەندە بەهێزیش بن، سەرئەنجام هەر كۆتایی دێت و ئەوە ئیرادە و هێزی گەلی كوردستانە كە براوە دەبێت".

#کوردپرێس #کورد #کوردستان #مەسعوود بارزانی #ڕاپەڕین #سەرۆکی پارتی دیموکراتی کوردستان #سی و چوارەمین ساڵیادی ڕاپەڕین

زیاتر بخوێنەوە

هەواڵی پێشوو و داهاتوو