تورکیا ۱۰۰ بنکەی سەربازی لە عێراق هەیە؛ ۹۹ بنکەی لە هەرێمی کوردستانە

پوختەی هەواڵ

ڕاوێژکاری ئاسایشی نیشتیمانیی عێراق ڕایگەیاند، تورکیا نزیکەی ۱۰۰ بنکەی سەربازیی و خاڵی چاودێری لە نەینەوا و هەرێمی کوردستان هەیە.

بەپێی هەواڵی کوردپرێس، قاسم ئەعرەجی، ڕاوێژکاری ئاسایشی نیشتیمانیی عێراق لە چاوپێکەوتنێکی لەگەڵ کەناڵی ئەلعەهد وتی: تورکیا نزیکەی ۱۰۰ بنکەی سەربازی و خاڵی چاودێری لە هەرێمی کوردستان و نەینەوا هەیە، تەنیا یەک بنکەی لە نەینەوا هەیە، باقی بنکەکانی دیکەی لە هەرێمی کوردستانە.

ئەعرەجی ڕەتی دەکاتەوە هیچ بڕیارێک هەبێت بۆ بوونی بنکەی سەربازی تورکیا لە خاکی عێراق و دەڵێت: هیچ بڕیارێکی فەرمی حکوومەت نییە، ڕێگە بدات هێزەکانی تورکیا لە ناوخۆی عێراقدا ئامادەبن.

#عێراق #کوردپرێس #کورد #کوردستان #نەینەوا #قاسم ئەعرەجی #بنکەی سەربازی #بنکەی سەربازیی تورکیا #ڕاوێژکاری ئاسایشی نیشتمانیی عێراق

زیاتر بخوێنەوە

هەواڵی پێشوو و داهاتوو